তুমি কাষত নাথাকিলে

 

               তুমি কাষত নাথাকিলে 

      তুমিবিহীন জীৱন পাৰ কৰাটো 

            অসম্ভৱ মোৰ বাবে , 

         জীয়াই থাকিব খোজো

      তোমাৰ দুহাত ধৰি আগুৱাই ।

         মনৰ অনুভৱৰ বাকৰিত 

       স্থান দিছোঁ তোমাক আজীৱন 

            নিসংগতাক নেওচি 

            আগবাঢ়িব খোজো 

              তোমাৰ সাহসত ,

    অসহায় হৈ পৰোঁ মই খন্তেকতে 

         চকুলো টুকি দুহাতেৰে 

            তুমিবিহীন জীৱন 

           মোৰ বাবে হৈ পৰে 

    বিষাদভৰা বেদনাৰ সমাহাৰ যেন ,

       প্ৰতিশ্ৰুতিৰ পৰিসমাপ্তি হ'ব 

           নিদিবা কাহানিও

          অবুজ হিয়াঁই মাথোঁ 

     তোমাকে বিচাৰে মনে - প্ৰাণে

      বুজিও নুবুজা নহ'বা তুমিও

       আকোঁৱালি লোৱা মোক 

           চিৰজীৱনৰ বাবে ,

        তুমি কাষত নাথাকিলে 

    অন্তৰখন ফাটি - ছিটি যায় নিমিষতে

        আকলুৱা হিঁয়াৰ বেদনা 

          বুজি উঠা তুমি নিৰৱে 

         হেৰুৱাব নোখোজো মই 

       মোৰ অন্তৰৰ পৰা তোমাক 

       সহাৰি নাই , দেখা - দেখি নাই 

             আজি অ'ত দিনে ,

          তোমাৰ হিয়াঁত থকা 

      অযুত ভালপোৱাৰ পৰিধি 

     এইয়াই নেকি তোমাৰ সঁচা 

          ভালপোৱাৰ প্ৰমাণ   ।

     

   লখিমী শৰ্মা 

          যোৰহাট