বিকল্প

 বিকল্প

             

বজাৰত জ্বলিছে জুই

নুমাব যে.......

পোৱা নাই উমান!

চিলিণ্ডাৰটো বাৰু নজ্বলাওঁ

খৰিকে জ্বলাম,

কেঁচা খৰিৰ ধোঁৱাৰে চকুৰ নৈ বোৱাম।

দাইল-মাহ নাখাওঁ বাৰু

বন-পাতৰ জোলেৰেই

ভোকৰ পেটটো ভৰাম।

ইলেকট্ৰিক লাইট বাৰু নজ্বলাওঁ

আবেলিতে ৰান্ধি -মেলি

সন্ধিয়ালৈ শুই যাম।

বেমাৰবোৰৰ প্ৰতিৰোধ নো কেনেকৈ কৰিম

জীৱন দায়িনীবোৰৰ আকাশলংঘী  দিনত

তাৰ বিকল্প নো কি বিচাৰিম !

দিপ্তী মনি গোস্বামী, লখিমপুৰ (লালুক)